Este volume pretende achegar a figura de Antonio Fraguas a calquera persoa interesada nel, de forma dinámica e buscando integrar, de xeito sinxelo, a súa vida e obra. Nel atoparedes unha proposta para realizar distintos roteiros literarios polas cidades e lugares que marcaron a vida de Antonio Fraguas combinando paradas en puntos clave con datos biográficos, anécdotas e textos literarios. Nas últimas páxinas, incluímos unha proposta de actividades para realizar con nenos/as de infantil ata bacharelato ao redor deste senlleiro escritor cotobadense.
