Os trens sempre foron un bo material para a literatura e para os libros. Nos trens lemos. Nos trens, tamén, pasa a vida. Chea de historias. O tren vai por ese camiño de ferro polo que transitan existencias singulares cheas de paixóns, dores, esperanzas, risos e segredos. De todo iso hai neste volume en que cinco autoras e cinco autores atenderon a chamada de Editorial Galaxia para, toman o tren, a vía, a estación, os revisores ou os maquinistas como motivo de inspiración para crear un relato que sexa, ao tempo, unha viaxe literaria feliz. Dirémolo dun xeito tópico: abre o libro e ponte a ler. O tren está a piques de partir.
